نبارك للأشقاء في تونس ومصر نصرهم المؤزر ونشد على أياديهم للاستمرار حتى نيل كافة حقوقهم المشروعة و ألف مبروكKanooo

أفضل 10 أعضاء في هذا المنتدى

الاميرة - 591
 
kanooo - 569
 
LEANN (*_*) - 454
 
yara - 379
 
Admin - 349
 
tareq usa - 169
 
الكينغ - 106
 
riham - 99
 
أميرة كل النجمات - 73
 
shaza - 50
 

المواضيع الأخيرة

» ممكن ترحيب
الأحد 10 أبريل 2011 - 0:08 من طرف الاطلال

» أبخل ثلاث أشخاص يمكن أنتي منهم ..!!
الأربعاء 16 فبراير 2011 - 14:13 من طرف kanooo

» leki shaza - tareq
الأربعاء 29 ديسمبر 2010 - 14:01 من طرف tarequsa

» لماذا لا يوجد مثل هذا الحب الان؟
الأحد 29 نوفمبر 2009 - 0:56 من طرف tarequsa

» اتحدى اى حد فيكم يقدر يعض انفه
الجمعة 30 أكتوبر 2009 - 0:48 من طرف أميرة كل النجمات

» الاب كان مسافر ولما رجع لقى ابنه مستنيه فى المطار شوفو شوصار
الثلاثاء 20 أكتوبر 2009 - 10:32 من طرف farahmoh

» عذاب الفراق
الإثنين 12 أكتوبر 2009 - 20:59 من طرف ملك الرومانسيه

» هذيان روحي
الإثنين 12 أكتوبر 2009 - 19:54 من طرف ملك الرومانسيه

» نصائح للجميلات بنات حواء
الجمعة 2 أكتوبر 2009 - 14:27 من طرف kenzi

» تمارين لتنشيط الذاكره
الجمعة 2 أكتوبر 2009 - 14:20 من طرف kenzi


    10 نصائح للبنات قبل الخروج مع خطيبك لاول مره

    شاطر
    avatar
    yara
    اداري متميز
    اداري متميز

    الجنس : انثى
    تاريخ التسجيل : 13/05/2009
    العمر : 27

    10 نصائح للبنات قبل الخروج مع خطيبك لاول مره

    مُساهمة من طرف yara في الخميس 30 يوليو 2009 - 1:54







    .لما باذن الله ربنا يفك عقدتك.. وتتخطبى.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه..... إلى مثوااااه الأخير في قفص النسانيس.. قصدي قفص الزوجية السعيد..

    أجمل ما في الخطوبة العزومات الرومانسية.. على أحلى محلات أكل في البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.....
    قلنا رقَّه ....



    1- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا .



    2- العيش أوعي تفضحينا وتقطعيه بسنانك..... ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا
    وبعدين لما تروَّحي.. إبقي حِفِّي زي مانتِ عايزه....



    3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك في البيت.. وتدلدقي على روحك..
    بالمعلقه وبدون صوت... سخنة ولعة برضه بدون صوت.. وتسيبي تلت الطبق ع الأقل... مش تميليه.... عشان تلهطيها لآخر نقطة......



    4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه...


    5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..



    6- السمك.. مشكلة.. شوفي...
    بتفصلي اللحم عن الشوك.... إزاي..؟؟ تقطعي اللحم من النص.... بالطول وبعدين تفردي اللحم ع الجانبين ولما تخلصي ناحية.. متقلبيش السمكة.... بلاش فلح... شيلي السلسله بالشوكة والسكينة , وحطيها ف جنب الطبق وكملي أكل النص التاني... وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك...




    7- الجمبري.. -إذا كنتي عارفاه-.. أول ماطبق الجمبري
    ينزل... بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابااااا.. وأتنهدي جامد وقولي.. برضه..؟؟؟

    وتروحي قاطعة راس الجمبريياية.. بالشوكة.. أنا ف عرضك
    إنسي المصمصة دلوقت..




    8- البطاطس سواء مسلوقة أو محمرة... أوعي تهرسيها وتدبيها ع الرز وتبدي ....لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي....



    9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....







    10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..

    أنا أودامي أسبوع.. هابطل أكل فيه.....


    وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.... آل يعني بتمسحي بؤك..
    وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك..
    لفة الفول والطعمية اللي جايباها معاكي.. وبالهنا والشفااااااااااااا

    avatar
    kanooo
    مديـــرعــام المنتـدى
    مديـــرعــام المنتـدى

    رسالة sms رسالة sms : اذا احببت شخصا فدعه حرا طليقا فان عاد فهو لك و ان لم يعد فكأنه لم يكن

    الجنس : ذكر
    تاريخ التسجيل : 04/06/2009
    العمر : 37

    رد: 10 نصائح للبنات قبل الخروج مع خطيبك لاول مره

    مُساهمة من طرف kanooo في الخميس 30 يوليو 2009 - 13:48

    555 555
    اعدمك
    555 555


    _________________
    kanooo

    أميرة كل النجمات
    مشرفة قسم الادب والشعر
    مشرفة قسم الادب والشعر

    رسالة sms رسالة sms : النص

    الجنس : انثى
    تاريخ التسجيل : 07/07/2009
    العمر : 28

    رد: 10 نصائح للبنات قبل الخروج مع خطيبك لاول مره

    مُساهمة من طرف أميرة كل النجمات في الجمعة 31 يوليو 2009 - 15:13

    شكرا يارا أنا أكيد رح نفذهم
    ههههههههههههههههههههههههه
    الله يعينو يلي بدو يعلق فيكي انت
    والله مصيبة
    ههههههههههههههههههههههههههههههه






    عم امزح تقبلي مروري

      الوقت/التاريخ الآن هو الأحد 17 ديسمبر 2017 - 17:49